بتروح حاجات وتغيب حاجات ونعيش ليها نهايات

....نشرت اميمه المعداوى
الشاعر محمود الشريف
خلاص بقينا ذكريا؟
************

بتروح حاجات وتغيب حاجات
ونعيش ليها نهايات
نضحك اوي وتنزل دموع
نفرح ساعات نحزن ساعات
وكل حاجة ف عمرنا
بتبقى حتة ف قلبنا
وندوب ونحلم حلمنا
وفجأة نلقى الحلم مات
والقلب م الأخر رضي
خلاص يانفسي اتعودي
دي الفرحة قبل تبتدي
تبقى مجرد ذكريات
والذكريات لما تفوت
بتصحي دمعة بألف صوت
يبقى الكلام زي السكوت
تبقى الحياة زي الممات